سمسمه
07-Apr-2007, 10:11 PM
فى عيد ميلادك الكام و سبعين ...
كل سنة وانت طيب ... و إحنا مش طيبين ...
كل سنة و أنت حاكم ... و إحنا محكومين ...
و إحنا مظلومين ... و إحنا متهانين ...
و يا ترى يا حبيب الملايين ... فاكرنا ولا إحنا خلاص منسيين ؟...
فاكر المعتقلين؟ ... فاكر الجعانين؟ ... فاكر المشردين؟ ...
فاكر اللى ماتوا محروقين؟ ... فاكر الغرقانين؟ ...
الله يكون فى عونك حتفتكر مين ولا مين !!! ...
فى عيد ميلادك الكام و سبعين ... بقولك كلمتين ...
الأولة .....
شيلتنا طين ...
و هل تعلم إن النيل بقى رشاح ... و الجو أصبح بيئة و العيشة ولعة ...
و الشرفاء قلوبهم على البلد والعة ... وإنت عاملهم مدبحة ولا بتاعة القلعة ...
و الإقتصاد سداح ... و السرقة بقت كفاح ...
و مصر متاحة بس للسياح ... و عرض البلد بقى مستباح ...
و التانية ...
و رتنا الويل ...
دى الخطوة فى عهدك بقت ميل ... و الضحك بقى نواح و عويل ...
و الكوسة ... عارف الكوسة؟؟ ... ممكن أقولك فيها مواويل ...
و الجامعة بقت يا إما كباريه أو دار مسنين ... و الشباب معظمهم من غير خمرة سكرانين ...
و العلم عز على المتعلمين ... و الأساتذة بقم دجالين ...
و القادة بقم طبالين ... و إدينى فى الهايف يا حبيب الملايين ...
و التالتة ...
عارف اليابانيين ؟؟ ...
زمان فى سنة إتنين و خمسين ...
كان عندنا تروماى و كان عندنا علم و متعلمين ... و ثقافة و مثقفين ...
و أدباء و علماء و فنانين ...
و كانوا اليابانيين ... بالنووى لسه مضروبين ... و للصدقة مستحقين ...
دلوقتى إحنا فين و هما فين ؟؟؟ ... هما فوق و إحنا فى أسفل سافلين ...
و الرابعة ...
أمن البلد بقى تنين ...
و المحاكم إتملت مظالم ... و العدالة بقت كمالة ...
و كلمة الحق فى الزبالة ... و أصحابها فى الزنازين ...
و الخامسة ...
القطاع العام ... عام
و الفساد ... ساد
و فى جتة بلدنا بيرعى ...
أفتكر لجنابك إيه و لا إيه ... و كل ذكرى ليك بدمعة ...
أنا كنت حالف ميت يمين ... أكملهوملك تمنية و سبعين ...
بس حاكفيهم ورق منين ... و كل سنة وإنت و إحنا طيبين ...
--------------------
كل سنة وانت طيب ... و إحنا مش طيبين ...
كل سنة و أنت حاكم ... و إحنا محكومين ...
و إحنا مظلومين ... و إحنا متهانين ...
و يا ترى يا حبيب الملايين ... فاكرنا ولا إحنا خلاص منسيين ؟...
فاكر المعتقلين؟ ... فاكر الجعانين؟ ... فاكر المشردين؟ ...
فاكر اللى ماتوا محروقين؟ ... فاكر الغرقانين؟ ...
الله يكون فى عونك حتفتكر مين ولا مين !!! ...
فى عيد ميلادك الكام و سبعين ... بقولك كلمتين ...
الأولة .....
شيلتنا طين ...
و هل تعلم إن النيل بقى رشاح ... و الجو أصبح بيئة و العيشة ولعة ...
و الشرفاء قلوبهم على البلد والعة ... وإنت عاملهم مدبحة ولا بتاعة القلعة ...
و الإقتصاد سداح ... و السرقة بقت كفاح ...
و مصر متاحة بس للسياح ... و عرض البلد بقى مستباح ...
و التانية ...
و رتنا الويل ...
دى الخطوة فى عهدك بقت ميل ... و الضحك بقى نواح و عويل ...
و الكوسة ... عارف الكوسة؟؟ ... ممكن أقولك فيها مواويل ...
و الجامعة بقت يا إما كباريه أو دار مسنين ... و الشباب معظمهم من غير خمرة سكرانين ...
و العلم عز على المتعلمين ... و الأساتذة بقم دجالين ...
و القادة بقم طبالين ... و إدينى فى الهايف يا حبيب الملايين ...
و التالتة ...
عارف اليابانيين ؟؟ ...
زمان فى سنة إتنين و خمسين ...
كان عندنا تروماى و كان عندنا علم و متعلمين ... و ثقافة و مثقفين ...
و أدباء و علماء و فنانين ...
و كانوا اليابانيين ... بالنووى لسه مضروبين ... و للصدقة مستحقين ...
دلوقتى إحنا فين و هما فين ؟؟؟ ... هما فوق و إحنا فى أسفل سافلين ...
و الرابعة ...
أمن البلد بقى تنين ...
و المحاكم إتملت مظالم ... و العدالة بقت كمالة ...
و كلمة الحق فى الزبالة ... و أصحابها فى الزنازين ...
و الخامسة ...
القطاع العام ... عام
و الفساد ... ساد
و فى جتة بلدنا بيرعى ...
أفتكر لجنابك إيه و لا إيه ... و كل ذكرى ليك بدمعة ...
أنا كنت حالف ميت يمين ... أكملهوملك تمنية و سبعين ...
بس حاكفيهم ورق منين ... و كل سنة وإنت و إحنا طيبين ...
--------------------