الامير
20-Apr-2007, 11:04 PM
سيجارة تايهة
وببصلك
وما بين شفايفي بحط جسمك والهموم اللي تزعل ميت بلد
وافتح عليكي من نيران الكون لهب
على أدّ جسمك والتعب
راسك بتولع نفسي تولع زيها
راس المنافق
قبل منُّه أبو لهب
دخان يشعلل جوا منِّي مِيِتْ عجب
على حال مهبِّب زيّ حالي واللي يِشْبِهْ شلِّتي
واضرب كمان كفِّين عجب
واشفط شياطك بالعجب
وأبصلك برضه بعجب
واتمنى منك حاجة تطفي حرقتي
بس اللي عارفه انك كده
مالكيش في شيئ إلا اللي كان بيفكني
من قهر نفسي والهموم
مالكيش في شيئ غير تبقي تايهة زيِّ ما بِتْتَّوِّهِي
مليون ولد
وانا برضه عارف إني عارف قدرتك
بس اعمل ايه
بضحك على نفسي بهبل
وبصدقك لو يوم تقولي هاروقك
وهانَسِّي عينك رسمتك
وبصدَّق الواد اللي قال
إنك قوية وتقدري
إنك تنسِّيني الألم
دانا لما بشفط حرقتك
بتعب أوي
بتعب أوي
بتعب أوي بس بهدوووووووووووووووووء
يمكن عشان بتأخري جوه صدور التعبانين
إن الحطب يصبح عليهم نار جحيم
يمكن عشان لو فقت يوم
مش راح الاقي في البلد
إنسان غبي إلا أنا
علشان بصدق كدبهم
إِتْطَّمِنِي
أحسن لي إني أصدقك
هارجع بسرعة أحنلك
تايهة وبيتوه في الفضا
كل اللي كان بيبوس قدم
لسجارة تايهة زيهم
طولت انا ؟
هاسكت بقى
__________________
الشاعر المصري
محمود عبد الله سلامة
مؤسس بيت الشعر العربي بباريس
عضو مؤسس جماعة رؤى الادبية
وببصلك
وما بين شفايفي بحط جسمك والهموم اللي تزعل ميت بلد
وافتح عليكي من نيران الكون لهب
على أدّ جسمك والتعب
راسك بتولع نفسي تولع زيها
راس المنافق
قبل منُّه أبو لهب
دخان يشعلل جوا منِّي مِيِتْ عجب
على حال مهبِّب زيّ حالي واللي يِشْبِهْ شلِّتي
واضرب كمان كفِّين عجب
واشفط شياطك بالعجب
وأبصلك برضه بعجب
واتمنى منك حاجة تطفي حرقتي
بس اللي عارفه انك كده
مالكيش في شيئ إلا اللي كان بيفكني
من قهر نفسي والهموم
مالكيش في شيئ غير تبقي تايهة زيِّ ما بِتْتَّوِّهِي
مليون ولد
وانا برضه عارف إني عارف قدرتك
بس اعمل ايه
بضحك على نفسي بهبل
وبصدقك لو يوم تقولي هاروقك
وهانَسِّي عينك رسمتك
وبصدَّق الواد اللي قال
إنك قوية وتقدري
إنك تنسِّيني الألم
دانا لما بشفط حرقتك
بتعب أوي
بتعب أوي
بتعب أوي بس بهدوووووووووووووووووء
يمكن عشان بتأخري جوه صدور التعبانين
إن الحطب يصبح عليهم نار جحيم
يمكن عشان لو فقت يوم
مش راح الاقي في البلد
إنسان غبي إلا أنا
علشان بصدق كدبهم
إِتْطَّمِنِي
أحسن لي إني أصدقك
هارجع بسرعة أحنلك
تايهة وبيتوه في الفضا
كل اللي كان بيبوس قدم
لسجارة تايهة زيهم
طولت انا ؟
هاسكت بقى
__________________
الشاعر المصري
محمود عبد الله سلامة
مؤسس بيت الشعر العربي بباريس
عضو مؤسس جماعة رؤى الادبية